Itxaso Guemez gazteak jasandako torturkin lotutako deklarazioa ospatu da Madrilgo 21. Instrukzio Epaitegian. Horren arira TATek prentsa oharra kaleratu du epaitegien jarrera salatuz eta "kasu guztien benetazko ikerketa bat" eskatuz.
Gaur asteazkena, maiatzaren 28an, Itxaso Guemes donostiar gazteak jasan zituen torturarekin lotutako deklarazio bat egin da Madrilgo epaitegietan. 2005eko otsailean, Espainiar Polizia Nazionalak Itxaso Guemes atxilotu zuen Iruñean eta inkomunikazio epea igaro ondoren torturak salatu zituen. Gaur, bere atxiloketan parte hartu zuen polizia batek deklaratu du (bere salaketan "gaiztoa" bezala identifikatzen duena).. Deklarazio hau, Madrilgo 21. Intrukzio Epaitegian egin da, kasuaz arduratzen den epaitegian. Esan behar da, lekuko moduan deklaratu duela, ez inputatu gisa, eta egin zaizkion galderei gezur borobilekin erantzun diela. TATek, kasu honen, zein gainontzeko kasu guztien benetazko ikerketa eskatzen du. Eskura dauden froga guztiak erabili daitezen eskatzen dugu ere, jakin badakigulako, inkomunikazio egoerak batetik eta torturatzen duten Espainiar Polizia, Ertzain edo Guardia Zibilen "profesionaltasunak" bestetik, oso zaila egiten dutela tortura zantzurik aurkitzea. Instrukzio epaileek ez badute beren lana arduraz eta ganoraz betetzen, inpunitateari ateak parez pare irekitzen diote eta torturak bizirauteko beharrezkoa duen arnasa hartzen du.
Torturarekin amaitzea denon lana da.
Bidalita: 2008 04 - 08:32 PM |
